Richarlison mohon ofertën e sheikëve: Paratë janë të mëdha, por ëndrrat e mia janë më të mëdha

10:06 | 9 Gusht 2024
KRG

Ylli i Tottenhamit, Richarlison, ka zbuluar kohëve të fundit qëndrimin e tij për transferimin tek ndonjë skuadër në ligën arabe.

Braziliani bëri 31 paraqitje me fanellën e skuadrës angleze në sezonin e kaluar, ku edhe arriti t’i shënojë 12 gola dhe duke krijuar katër asistime, shkruan Arbresh.info.

Megjithatë kohëve të fundit është përfolur shumë një largim i tij mundshëm drejt ligës ligës arabe.

Mirëpo braziliani në një prononcim për ESPN Brasil, u deklarua se vendimi i tij është të qëndrojë tek Premier League.

“Ka pasur një ofertë, por ëndrra ime për të luajtur për kombëtaren braziliane dhe në Ligën Premier flet më shumë”, ka thënë fillimisht Richarlison për ESPN Brasil.

“Paratë janë të mëdha, por ëndrrat e mia janë më të mëdha”, përfundoi sulmuesi brazilian. /Arbresh.info